سؤال عن حالتي لأبو الحسن خاصة والرقاة واهل العلم عامتاً
 

السلام عليكم ورحمة الله وبركاته

لو سمحتوا بدي أسأل سؤال عن حالتي
انا تابعت معكم بهاد المنتدى من مدة لا بأس بهاد ما بدي كزب وقول اني التزمت بالبرامج الي اعطتوني اياها بس التزمت بالتعليمات والتزمت بقراءة سوة البقرة ويس والملك والبروج وقراءة المعوذات مع النفث باليدين ومسج الجسم فيها وبعض الادعية والحمد لله ملتزمة بإداء الصلاة مرات ونادرا ما بصليها بميعادها بس بصليها والتزمت على سماع الرقية الشرعية كل ليلة وهاد الحكي من شهر 12/2014 ولحد الآن ومن مدة منيحة حست انه كتير وضعي صار افضل الحمد لله ، بس بشوف احلام ما بعرف شو علاقتها بالسحر مرات بشوف انه الجن الي في طلع ومرات تانية بشوف بس اسود بيعضني ومرات بشوف رجال غريب وريحة تمه مقرفة بيركض وراي ومرة تمكن مني ، بس الغريب انه بالاخر صرت اشوف شي تاني يعني مرة شفت قال انه في بنت اسمها لما هي الي عاملتلي السحر مع العلم انه السحر عندي قبل ما اعرف هاد البنت وهي غريبة علي ومن منطقة تانية أما الليلة حلمت انه قال انا مطلقة والشب الي طلقني موجود ومتزوج وحدة تانية وكان معنا ناس مش فاكرة مين هم بس اعتقد انهم من الاهل كانوا وحد صار يحكي عنا فوقفت وقلتله انه تطلقنا وكنت حازمة وصارمة بهالشي كإنه ما مصدقة وانا اخلص من هاد الشب واطلق منه وهو كان موجود هو ومرته وما حكي شي واعتقد انه دخلنا على بيت عمتي او ما بعرف اي بيت بشكل عام هو كان غريب بس معفش عفش حلو وفجأة صاروا يحكوا عن السحر بس انا خفت يضلوا يحكوا عن هاد الموضوع لحتى قال ما يحضروا الجن وقال انه مرت خالي واسمها (لطفية) هي الي عاملتلي السحر (هي معرفة بهاد الشي بس انا مالي اي علاقة فيها ولا اي شي اضف لذلك هي بمنطقة تانية بعيدة عنا)وكان في حماها لخالتي وهي متوفية وقال هي ليها علاقة بالسحر وصارت تضحك ضحكة شيطانة متل الزعق كإنها انتصرت ،صحيت من النوم ولفيت حالي على جمبي التاني واستعذت بكلمات الله التامات من شر ما خلق وكانت الساعة 3:28 وصرت اسبح وغمضت عيوني بس ما نمت لانا بشوف انه في شي اربع حبال بيلتفوا على بعض وفتحت عيوني لانه خفت انه يكون سحر ورجعت غمضت عيوني لهو تحول لحبل واحد ما بعرف كان ملفوف على بعضه او مجدول وفجأة شفت جسمي (منطقة ما بين السرة لنص الفخد) عريان ، فقلت لحالي اكيد ربنا صحاني بهاد الوقت لحتى اقوم اصلي ركعتين لله ، وصليت ودعيت ربنا

بس هلأ سؤالي شو علاقة هاد المنامات كلها بحالتي ؟ وازا في سحر كيف اعرف وينه وخاصة ازا كان متجدد ؟ مع العلم اني كنت اشوف افاعي سود حولين البيت ومرات بالمطبخ وبالاخر اختفت الحيات وصار بسة سودة بشوفها بالمطبخ او على شباك غرفتي ، ومرة شفت انه في سحر عندي بمكتبي بالجامعة وفتشت المكتب ورشيت في مية مقروء عليها ومرة تانية شفت انه في عندي بالمكتب فرشتين لونهم ازرق فاتح كلها دبابيس (ابر) وشلت منها الدبابس الاولى طويتها والتانية ضليت اشيل منها الدبابيس وخلصت كل الدبابيس:1:

رد: سؤال عن حالتي لأبو الحسن خاصة والرقاة واهل العلم عامتاً
 

رد: سؤال عن حالتي لأبو الحسن خاصة والرقاة واهل العلم عامتاً
 

اشكرك على التوضيح ، وخاصة في مجال التحصين
بالنسبة لتجدد السحر لا اعلم ازا كان بسبب معصية (صدقا انا ابي ازعل امي والي تلت ايام ما حكيت معه بس اليوم عادي حكيت معه وصحيته على صلاة الفجر وصبحت عليه وكله تمام) ما بعرف ازا كان هاد سبب لهاد الشي

بعدين انا سألت هل اصلا لف الحبل على بعض بالمنام يعتبر سحر لانه انا بعرف العقدة هي سحر
وشو علاقة المنامات بأشخاص بيظهروا بالمنام انه هم الساحرين
وصدقا كمان انا زمان ما تصدقت والغريب بالامر انه اغلب الحلول لهيك مشاكل بتيجيني وانا بالحمام اجلكم الله ، يعني اليوم لما قمت بالليل خايفة من الحلمة وتوضيت لأصلي سمعت صوت بداخلي بيقلي ((وَإِنْ كَانَ ذُو عُسْرَةٍ فَنَظِرَةٌ إِلَى مَيْسَرَةٍ وَأَنْ تَصَدَّقُوا خَيْرٌ لَكُمْ إِنْ كُنْتُمْ تَعْلَمُونَ))) ومرات كتير بتصير معي هاد الاشياءات وبسمع ايات قرآن بتخص مواضيع بحياتي والغريب متل ما خبرتك انه بالحمام بسمع هاد الايات

رد: سؤال عن حالتي لأبو الحسن خاصة والرقاة واهل العلم عامتاً
 

وعليكم السلام ورحمة الله وبركاته
أختي الفاضلة الكريمة يدل مجمل أحلامك على رؤيتك لأرواح خدام السحر وعلى جهادك وإجتهادك في القرآن الكريم والتحصينات لعلاج نفسك .
ونبشرك بشفائك أو بقرب شفائك وعلامة ذلك في في آخر كلامك ( شفت انه في سحر عندي بمكتبي بالجامعة وفتشت المكتب ورشيت في مية مقروء عليها ومرة تانية شفت انه في عندي بالمكتب فرشتين لونهم ازرق فاتح كلها دبابيس (ابر) وشلت منها الدبابس الاولى طويتها والتانية ضليت اشيل منها الدبابيس وخلصت كل الدبابيس ).
نسأل الله العظيم رب العرش العظيم لك الشفاء وجميع المسلمين .
نشكر لشيخنا أبو أحمد المصري جميل إهتمامه و حسن رده
وتقبلوا أطيب دعواتنا

رد: سؤال عن حالتي لأبو الحسن خاصة والرقاة واهل العلم عامتاً
 

أختي الفاضلة الكريمة وأما ماتسمعينه بداخلك من إيحاءات من آيات القرآن الكريم فهو من عمار البيت
عن يزيد بن جابر قال : ما من أهل بيت من المسلمين إلا وفي سقف بيتهم من الجن من المسلمين إذا وضع غذائهم نزلوا فتغدوا معهم وإذا وضعوا عشاءهم نزلوا فتعشوا معهم يدفع الله بهم عنهم .
والله تعالى أعلى وأعلم

رد: سؤال عن حالتي لأبو الحسن خاصة والرقاة واهل العلم عامتاً
 

شو يعني اني بسمع من عمار البيت ، بقصد يعني هل متلا انه في من عمار البيت حد بيحاول يساعدني ؟؟ هل يمكن ان استفيد من هاد الايحاءات ؟؟ ولو فرضنا انه هاد الشي صحيح أو متلا انه هدول العمار مسلمين ليش بسمع ايات القران بالحمام تحديداً؟؟؟
وعمار البيت هدول ممكن يكون فيهم خير ؟ اقصد انه هل ممكن انهم يكونوا مناح معنا وهل يترتب علينا واجب اتجاههم ازا كانوا بيريدولنا الخير؟؟

سؤال اخير عنا بغرفة المعيشة او بعض الناس بيسموها صالة في تخت كل ما اقعد (اجلس) عليه بتصيبني قشعريرة وفي الي كمان اخت بيصير معاها نفس الشي وطول ما بنكون بالغرفة ونحنا بنضل نتثاوب ،، هل للموضع صلة بذلك؟؟؟
شكرا كتير الكم واسفة اني طولت عليكم

رد: سؤال عن حالتي لأبو الحسن خاصة والرقاة واهل العلم عامتاً
 

اه وبدي اسأل كمان شو علاقة المنامات بمعرفة الساحر؟؟؟

رد: سؤال عن حالتي لأبو الحسن خاصة والرقاة واهل العلم عامتاً
 

جزاك الله خير