|
رد: سؤال عن المس العاشق (ضروري) أرجو الرد السريع
سؤال تاني بيخصني انا برضه عن العاشق على ما اعتقد والله اعلم
الليلة ربطت الجوال وقمت قبل اذان الفجر بساعة لأصلي صلاة الحاجة لعدة اشياءات اول شي استخارة بموضوع الزواج ، وتاني شي ادعي ربنا يردلي حقي وفلوسي من واحد ناصب علي بحوالي 10 الاف دينار اردني (60 الف ريال) ، وتالت شي استغفار وطلب الهداية من الله والستر بالدنيا والاخرة
والحمد لله قمت وصليت صلاة الحاجة ودعيت ربنا واستخرته وقمت بعديها وقعدت اسبح واصلي على النبي لحد ما يأدن الفجر لأنه عارفة ازا بنام رح يغلبني الشيطان وتضيع مني صلاة الفجر لهسبب ضليت صاحية وصليت ركعتين شكر لله انه سمحلي اناجي بهاد الوقت العظيم عنده لانه تلت الليل الأخير ، فجأة الباب فتح مع انه انا متأكدة مليون بالمية انه مسكرته منيح ما بعرف كيف فتح وقبل ما يفتح انا شفت خيالات تحت الباب بتتحرك مسكت حالي وما خفت لانه ربنا قال ان كيد الشيطان كان ضعيفا ، اذنت لانه سمعت او عرفت انه الاذان بيطرد الشياطين وكملت استغفار
اذن الفجر وصليت الحمد لله ودعيت انه الله يغفرلي ويجيرني من النار
قرأت اية الكرسي واخر ايات سورة البقرة وكمان دعاء لحتى الله يحفظني
ونمت بسرعة ما بعرف كيف أو بالاصح كنت نايمة ومو نايمة بنفس الوقت وحلمت انه كنت بمصعد (اصانصيل) وكان معي جوال لونه زهري (جوالي) وطلعت من المصعد ودخلن عليه نسوان تنتين وكانوا لابسين عبي وشالات سودة لحقتهم وقلتلهم استنوا اشوي بس بدي اخد جوالي وكان المصعد سكر بس انا حطيت ايدي في ومسك على ايدي وما فتح خفت يصعد وتنفرم ايدي وفجأة فتحت المصعد ودخلت عليه حسيت انهم شياطين هدول النسوان التنتين وبدأت اقرأ بأية الكرسي واختفوا بسرعة واجت ست تانية برضه كانت لابسة عباية وشالة سودة وقفت بالزاوية برضه انا عرفت انها شيطانة مسكت ايديها التنتين بإيدي وصرت أقرأ سورة الفلق والناس وهي اختفت بس حتى وهي مختفية انا ضليت ماسكتها وبقرأ وكملت وقرأت سورة الناس وفجأة لهو صوت بيصير يصرخ او بالاصح يزعق بإذني اليسار او بالاصح بجهتي اليسار كلها وصار قفصي الصدري من ناحية اليسار من الخلف يوجعني او اثار وجع بالاصح ووعيت صحيت على حالي وانا خايفة
اذنت مرة تانية وقرأت اية الكرسي ودعيت " وافوض امري الى الله أن الله بصير بالعباد " وتوكلت على الله ورجعت نمت
وعلى طول حسيت بشي بيضربني او بيحاول يخنقني وصرت برضه اقرأ قران ومش عارفة اقرأ بس جمعت سوة الفلق والناس وقرأتهم تركتني بس ما ابعد عني هاد الشي الي كان بده يقتلني وفجأة قال كان في بيض بيفقس (بيطلع صيصان ) وضاعت مني بيضة ، بس بعد شوي كانت اختي تحفر او ما بعرف شو بالضبط كانت تعمل بس فتحت على مغارة كبيرة كتير قال هاد المغارة كانت النا ولقيت البيضة وكانت فاقسة والصوص الي فيها كبران وصاير يمشي بس لما اجيت بدي اخده ما اخدته راح عند اخوانه كانوا حوالي شي 8 او 9 صيصان وقال بتقلي انها لقيت ذكر بط كبير لما انا طلعت عليه قلتلها هاد مو بط هاد ذكر الحبش (ديك رومي) بتقلي لأ هاد ذكر بط طلعت في وكان شكله شكل جسمه متل الديك الرومي وكبير ومنفوش وله حواجب كبيرة بس منقاره منقار بط قلتلها اه والله ، وقلتلها بتعرفي هاد المغارة بتنفع الواحد يجيب فيها ارانت افضل شي لترباية الأرانب وصارت تأذن هي على باب المغارة على اساس انه لو في شي صوص او جاج او اي شي تاني يطلع منها ، وفجأة كنت انا لابسة بلوزة بيضة نص كم وحدة من خواتي بتسالني شو هاد اثار الضرب الي على رقبتك وصدرك قلتلها هاد الجن حاول يقتلني بس لما انا طلعت على المراية اول نظرة فعلا شفت انه اتار ضرب بس طلعت في منيح حسيت انه هاد علامات من البلوزة عشان كنت نايمة ، ولبست شالة اعتقد كان لونها ابيض وكنت بدي احط مكياج بس مكياجي ضاع وما لقيته وصرت ادور عليه كتير بكل مكان حتى فتشت شنطة اختي التانية المتزوجة والغريب انها كانت حاطة شنطة جوا شنطة حوالي 5 شنط جوا بعض وكانوا جينز ازرق وبرضه ما لقيت علبة مكياجي (مبيض) ورحت على المغارة الي كنا استخدمنها كمخزن وعملنالها باب لقيت علبة مكياجي في بس كانت مكسورة ومكبوبة على رف بلاستك وكانت كمبيتها كبيرة اكبر من العادة وصرت الم فيها واعبي فيها بعلبة احمر الخدود وقلت مو مشكلة ما رح يختلطوا مع بعض لانه احمر الخدود على شكل كرات بقدر افصلهم عن بعض واجت بنت عمي هي بالطبيعة ناصحة كتير وكانت بالحلم كمان كانت ناصحة كتير ولابسة جلباب قصير لونه اخضر ونافش كتير متل البدلة وحكيت مابعرف شو كانت بدها بس قالتلي استني خليكي تسكري الباب بس هي قعدت واجت امها بدها تروح تزور ناس وانا واقفة بستنا فيها تطلع عشان اسكر الباب بس هي قالتلي روحي قلتلها طيب انا رايحة بس انتي قلتيلي سكري الباب ومرت عمي صارت تحضر في مسلسل او فيلم على التلفزيون قال بتقلي هاد حلو كتير لانا بسألها هاد مسلسل بدوي اردني صح؟؟ مش متزكرة هي شو قالت بس انا حركتها منخارها بإصبعي متل الضرب بس بمزح وبعد شوي لهي بتيجي امي وبتقلي ليه قارصة انف مرت عمك قلتلها ما قرصتها انا مزحت مهاها وابي كان موجود وقلي انسيكي منها وحسيت انه في شي بيحاول يعملي مشاكل او يخوفني او يإزيني وشحلت الشال (طرحة/المنديل) وصحيت من النوم مفزوعة كتير وقلبي بيدق كتير كتير
هل هاد الشي الي صار معي له علاقة بالجن مع العلم انه انا كان عندي سحر سابق وانا قرأت على حالي من حالي وكنت اشوف بالمنام انه في حد عاملي سحر او فرش فيها ابر او قطط سودة بتحاول تإزيني
بس من مدة انا حست حالي ارتحت وانه ما عاد في شي بس رجعت من فترة احس دائما انه في حد بيتحرك قريب مني مع انه بكون لحالي بالغرفة ومرات بشوف خيالات دخان بتتحرك حوالية وسريعة كتير و مبارح بالنهار اجا عندي طالب من طلابي وقرأ بمكتبي صورة الانفال وصار جمبي اليسار ينبض كإنه قلبي جوا خصري
وحتى امي بتشوف عيون حمرا ع البواب مرات وخواتي كمان بيقولن انهم بيشوفوا خيالات بتتحرك بالبيت وخاصة عند باب الحمام ومرات بيشوفوا عيون لونها احمر , وفي الي اخت بتقول مرة كنت طالعة من الحمام وانا بغسل طلعت بالمراية شفت وجهي مشوه بس انا ما عمري شفت عيون ولا شي بس بحس بالحركة ومرة وحدة شفت خيال اسود بيتحرك عند باب البيت بالساحة وكإنه كانوا يركضوا ورا بعض او ما بعرف شو شفت خيال اسود طويل طالع ع الدرج بسرعة وبعديها شفت خيال اسود قصير لاحقه وبعد شوي نزلوا بنفس الشكل اول شي الخيال الاسود الطويل كان مسرع نازل عن الدرج وبعديها لحقه الخيال الاسود القصير وصرت اتطلع عليهم وعلى الباب والساحة والشبابيك وأقرأ اية الكرسي وسورة الفاتحة بس ما كنت خايفة نهائيا منهم
شو اعمل شو الحل للي نحنا عايشين في ؟؟؟؟؟؟؟؟؟؟
|