بسم الله الرحمن الرحيم
السلام عليكم ورحمة الله وبركاته
طبعا انا من المشتركين الجدد في المركز
واتمنى ان افيد واستفيد
المهم
ماكنت ادري وين استفسر على سؤالي بس احس هذا انسب مكان لان استفساري يمكن هو نفسه الموضوع؟؟!! وسامحوني اذا اطلت عليكم او خرجت عن صلب الموضوع
سالفتي ومافيه انا طبعا كنت مسحور من يوم كان عمري 13 سحر مشروب
وفيه شيخ جزاه الله خير وهو هذا الشيخ الي باجيكم بقصته الحين
المهم قرأ عليّ هذا الشيخ والحمد لله بفضل الله ثم بفضل هذا الشيخ تعافيت وهذي السالفه زمان.
طبعا الغريب مو هنا الغريب
ان هذا الشيخ قبل امس رحت عنده وقرأ عليّ قراءه طبيعيه بس وهو يقرا سوالي حركه يمكن اول مره في حياتي او حتى اول مره احس يسويلي كذا من يوم عرفته
ياجماعه قرأ علي بعدين حط اصبعه السبابه على وسط جبهتي بين الحاجبيين وقال: نوم نوم سبآت عميق ......طبعاً انا نمت وكاني في غيبوبه وماقدرت اسيطر على نفسي وماقدرت افتح عيوني قرأ ايآت من القرآن بعدين تكلم مع الجان الي كان عليّ وقال انه مسلم وانه من المدينه...إلخ وياجماعه مو نطق كامل يعني همس ويادوب همس وكان الشيخ يسمعه ويتكلم معه وكنت انا اسمع بالكلام بس مقدر اسيطر على نفسي (اكيد الي جرب الرقيات بيعرف الي حسيت به)
المهم
أنا الي محيرني في السالفه مو تنويمي لا الي محيرني وهو يقرأ الشيخ قال:
وطبعا يتحدث على المس الي عليّ....مين جعل الله عليكم سلطان من البشر مين ابوكم من البشر اليس انا وأرآني اصبعه السبابه وقال للي كان فيني فتح عيونك وشوف الخاتم أنت تشوف الخاتم الي وهبني اياه الله طبعا فتحت عيني وماشفت شيء الي شي رمادي اذا ماخاب ظني لاني وقتها كنت دايخ ....طبعا خرج الي عليّ وراح على مكه على قولت الشيخ وقال اذا رجعت والله لااجلبك انت وآهلك حتى لو كنت في اخر الدنيا وأنت تعرف هذا الشيء....
المهم
آمس في العصر رحت له مره ثانيه علشان يقرأ على باقي الأهل
سألته قبل ماآمشي من عنده عن الخاتم حق سليمان قالي :الله وهبني اياه بحوله وقوته.......إلخ.
وعلى فكره..طريقة علاجه سليمه لا يسأل عن اسم الام ولا يتعامل بلخلطات والاعشاب ولا شيء بس بالقران.ويمكن يتكلم مع القرين اذا ماخاب ظني 
...لانه يخبرك بالاوجاع الي تحساها بالضبط قبل القرأ.. ويعلمك باشياء مستحيل تكون تخمين من عنده يعني احس فيه احد يعلمه ....
أنا الي محيرني الى الحين قصة الخاتم وقصة انه جعله الله له سلطان على الجن
آرجوا من الشيوخ والعلامه ومن له خبره أو علم بافادتي
عن الاسأله
*هل من البشر من بقدرة الله يوهب خاتم سليمان وحتى وان لم يكن الخاتم بمعنى الخاتم
*وهل من البشر من يجعل له الله سلطان على الجن
سامحوني على الإطاله بمشاركتي الغثيثه.