البداية
انا كنت دايما بخاف احكي حكيتي لحد علشان محدش يقول عليا مجنون وكنت لما بحب اسئل حد عن حاجة اقولة انا قريت موضوع عن واحد انو بيكلم الجن او اقول انو واحد صاحبي قالي انو بيكلم الجن كنت بنكسف اوي اقول اي حاجة او انسب الكلام دة لنفسي
طبعا انا مش هتكلم عن كل حاجة لاكن ليا طلب بسيط محدش يحرجني بالكلام او يجرحني لاني انسان حساس جدا واتاالم كثير من ان يجرح شعوري احد والله العظيم انا امام الناس شخصية قوية واحياننا اوصف بغلظة القلب لاكني امام نفسي منهار امام نفسي فقط علشان صورتي متتهزش امام الناس المهم لظروف خاصة مش عايز احكيها انا دايما بنام لوحدي بصفة دايمة لاكن فية امر غريب كل ما يجي وقت النوم واجي انام يبدء الكلام والله بسمع حد بيكلمني وكنت بخاف ولما اقرا قرءان الاقية بقرا قرءان معايا وبيكرر اللي انا بقولة واحياننا يسبقني وبفضل ادعو ربنا ان ربنا يبعد عني الشئ دة واستعيذ بالله وافضل اقرا الاذكار ولما اصحي من النوم لا مبقاش فاكر شئ عن الكلام اللي اتكلمتة امبارح وفي احيان كتير اجي اقرا قرءان اتلخبط او انسي الايات مع اني احفظها زي اسمي وكمان فية حاجة غريبة اوقات كتير بشوف حاجة عديت من ادامي بسرعة ومش بلحق اشوفها كانها خطفة اوقات بيتكون بيضا واوقات تكون سودا
لحد ما وصل بيا الامر اننا خلاص قلبي مات يعني مبقيتش اخاف من اي حاجة لما اسمع حد بيكلمني اوقات اكلمة ويرد عليا ولو شفت حاجة مرت من امامي دة شئ طبيعي ولا التفت اليها بشئ وعموما اصحي الصبح مش فاكر حاجة من كلام امبارح
فية حاجة مهمة الصوت داخل راسي فقط

اللي انا كلمتهم علي اساس انو الكلام دة علي النت او دة كلام واحد اعرفة يقولي دة اكيد جن
فية حاجات تانية لاكن لما حد يرد عليا الاول
اسئل اهل الخبرة والحكمة
دة جن ولا مرض نفسي
مستني الرد