حلمت ان بيتنا متواضع غير بيتنا الحقيقي وكانت أختي التي هربت رجعت البيت ومعاها بنتي الصغيره .. وكنت أنا وبنتي الكبيره وأمي وأبي راجعين بالعربيه للبيت .. وأنا سبقتهم انا وبنتي الكبيره ودخلنا البيت لقيناها .. وكانت لابسه فستان أسود ناعم وبسيط ومتزينه بفرد الشعر وتكحيل عينها وشكلها هادئ ومرتاح .. وأول ما شفتها قلتلها ايه اللي جابك !! .. وكنت خايفه جدا من اللي هيحصل .. وبنتي الكبيره جريت عليها وسلمت عليها وهيا احتضنتها وأنا جريت على بنتي الصغيره واخدتها في حضني .. وبعدها بابا وماما دخلوا وكان بابا بيتهجم عليها عشان يضربها وانا كنت بدافع وبصد عشان خايفه .. وماما قالت استنى اما البنات يناموا تقصد على بناتي عشان ميشوفوش الضرب دا .. واعدنا على الانتريه وكان لونه أسود وأنا كنت قاعده خايفه وبابا كان متحفز جداا وأمي فرحانه برجوعها وقلقانه برضو .. وبعدين انا شاورتلها على صباع الدبله كأني بسألها اتجوزتي ؟ فابتسمت ومردتش عليا .. وبعدها قامت ودخلت الحمام وسمعت موبايلها بيرن في غرفتنا .. ودخلت انا فتحت شنطتها وبصيت اشوف مين بيتصل لقيت مكتوب حبيبي .. ففهمت ساعتها انها تكون عقدت او اتجوزت .. وخرجت من الغرفه ودخلت غرفة أمي وأبي وفضلت أبص للمرايا وبفكر أعمل ايه وصحيت ..