الخواتم والفستان ..

السلام عليكم ورحمه وبركاته
ارجو تفسير رؤياي جزاك الله خيرا

رأيت كأأني كنت في المحافظه اللي كنت ساكنه فيها مع زوجي شمال المملكه
كأني شفت زوجة صديق زوجي وجارنا كانت عند بيتهم راكبه في المرتبة الثانيه في سياره جمس في الشارع وماعليها عبايه وشعرها اشقر طويل مفكوك وتلعب بنتها وفاتحه شباك السياره كله وكأن كان معها في السياره ياحرمه او حرمتين ويلعبون البنت معها تفآجأت وراها كذا وش الجرأة لا عبايه ولاشي خيييييير بس حسيتها كشخه ومتطوره قلت في نفسي والله شكلها متطوره مو مثل اهل هالديره يبغالي نتعرف عليها انا واختي نشوف وش وضعها ( اختي ساكنه معي في نفس المحافظه وانا ماكنت مرتاحه فيها ومو متقبله فكره اني اتعرف علي اي وحده هناك احس طبايعهم غير وفيها عادات عندهم غريبه وانا خلقه ما ادخل مع الناس بسرعه ) المهم كملت طريقي كنت امشي ع رجولي في الشارع حتي ما اتذكر اني كنت لابسه عبايه المهم وانا امشي واطالعهم الا شفتهم راحوا يمشون في شارع ضيق زي شوراع وبيوت الطين القديمه وكانوا بدون عبايات بس كشختهم ماتوحي انهم من اهل هالديره المهم مشيت وراهم الا فجاه انتهي هالطريق الضيق بصاله مفتوحه وبدون سقف وفيها بناااات كثيييير بنات جالسات ع زي الكنبات وبنات واقفات وبنات تلعب استغررربت وش سالفه وش هالمكان اللي مفتوح ع الشارع وبدون ابواب وهم بدون عبايات ! ( قلت في نفسي يبغالي اقول لاختي تشوف هالمنظر ) الا تمر من جنبي وحده طالعه من هالمكان لابسه قميص نوم وشكلها حوسه قلت شكلها زي جايه حايسه تبي تشوف وس السالفه وطلعت وهي كانت تطالعني ..
بعدين فجأة الا لقيت نفسي في بيت يقاله بيتنا حديث ومتطور يشبه بيتنا الحقيقي بس مو نفسه ،المهم كأن أختي توها جايه من ناس وتسولف لي عنهم وتمدح فيهم وتقول باروح اغير لبسي وبأرجع اروح لهم وانا كنت ناويه اروح معها رحت لبست ونزلت شوي الا هي ( اختي ) نازله ولابسه فستان كشخخخهخه
( متزوجه ولها ولدين ) واحنا بنطلع حتي كأننا مستعجلين كأني كنت لابسه عبايتي طالعت يديني الا شفت ع يدي اليمني سواره ناعمه جدا وخاتم دقيييق جدا ( نفس الواقع واللي دايم علي ما اشيلهم )
قلت لا ابي خواتم ما احب ايدي فاضيه ولا وصدفه يوم جيت اروح لهالناس الكشخه ما البسهم اعطتني اختي خاتمين لها لبستهم وانا بأطلع خلاااص ماش مو مرتاحه قلت لا وشلون البس خواتمك وهم توهم شايفنها عليك خلاص اصلا انا ناويه بروح اجيب خواتمي رككض واجيكم وانا بأصعد الدرج الا شفت ع يديني اليسري نوع دبلتي الالماس بس الشكل شكل دبلتي الذهب الاصفر وهي عباره عن خاتمين واحد عريض شوي فيه فصوص والثاني سخيييف مره وفيه دقه ( في الواقع البسهم فوق بعض وفي السبابه بس لانها وسيعه في البنصر ماتمسك الا بالسبابه ) بس في الحلم صاير واحد في السبابه والثاني في الوسطي وصايره مثل ماقلت مو ذهب الماس وكان شكلها حلو حتي ايديني شكلها حلو فيها ، قلت في نفسي يوم شفتها علي قلت ولو باروح اجيب خواتم لليد اليمني وانا بأصعد الدرج كان فيه حاجز من خوص او السعف ( في الواقع احنا نحط هالحاجز علشان ابني وابنا اختي مايصعدون فوق حتي الحاجز صغير احنا الكبار نقفزه بدون تعب ) بس في الحلم وانا بانقزه كنت لابسه فستان قصير ع الركبه وانا بانقزه الا الفستان تعلق في هالخوص وانا بسرعه ابغي افكه علشان ما أأخرهم وقمت اشده بقوه واسحبه تسحيب من حاجز هالخوص لين طلع معي الا احس كأنه تمزق ضاااااق صدري قلت يوووه خرب الفستان الا اطالعه ماصار متمزع صار زي الثقوب الصغيره وبس ع وزن الركب صاير كأنه موديل حتي يوم قلت لامي واختي يالله شوفوا كيف صار الفستان قالوا بالعكس صاير كأنه حركه او موديل ماكأنه تمزق....

متخرجه
مطلقه من شهر تقريبا بعد هجر 6 شهور تقريبا بدون ما اعرف وش السبب !!!!
عندي ولد عمره تقريبا سنتين
عمري 24 سنه


والله يوفقك ويسعدك ويرزقك الجنه ...

أختي الفاضلة الكريمة ليما
يدل مجمل حلمك
على أنك تخشين من صديقات السوء
والقفز وتمزيق الفستان وتحوله موديل
بأنه ستتجاوزين بعض المشاكل وسيكون هناك تغيير للأحساء في حياتك
والله تعالى أعلى وأعلم