ارجو افادتى هل الاعراض دى عضوية ولا مس ولا جن ولا اية
انا شاب 26 سنة اعانى من الام مستمرة فى الجسم كلة والام بالعظام مستمرة وصداع مستمر فى منتصف راسى وبحس بزغلله فى العين خاصة من الفترة بعد العصر بشعر بخمول دائم وثقل فى الرأس وبحس انى مش قادر اقف على رجلى وابقى لسة صاحى من النوم واشعر ان انى عاوز انام تانى وكمان بحس بحرارة فى جسمى ولو حد جة يسلم عليا يقولى مالك سخن كدة وفى نفس الوقت لما بقيس درجة الحرارة مش بتعدى 37.5
وكمان بشعر بعدم ارتياح فى معدتى ولما باكل بحس انى جوعت بسرعة وانتفاخات وقرقرة فى المعدة ولما اكون جعان بحس باكلان فى معدتى ومرار فى فمى وجفاف فى الريق وبحس انى عاوز كل شوية عاوز اتبول واكون لسة متبول واشعر برغبة ملحة انى عاوز اتبول تانى وكمان بحس بهزةاو رعشة فى كل جسمى وكمان بشعر انى مش مركز وبنسى بسرعة لدرجة ان اصحابى فى الشغل يقولو لى يابنتى انت بتشرب مخدرات ولا اية
بعد فترة من الاعراض دى كنت كل ماروح لدكتور يقولى انت سليم ومفيش عندك حاجة
الاعراض دى بعانى منها من حوالى 10 سنين وعلى فكرة قبل ماشعر بالاعراض دى على مااتذكر كان جالى حمى كانت درجة حرارتى عالية اوى مع مغص جامد اوى واسهال
|