أرجو التفسير الله يسعدك

السلام عليكم ورحمة الله وبركاته
أرجو تفسير هذه الرؤيتين القصيره الله يبشرك بالجنه

الرؤية الأولى :
رأيت كأننا في استراحتنا مخيمين (هي عبارة عن أرض كبيره مسورة فقط وخالية وكنا نفكر نخيم فيها أيام الشتاء)
المهم كأن فيها خيمة بيضاء صغيرة وكنا فارشين وجالسين جنبها أنا وأهلي بس موكلهم ولااذكر اذا فيه اخواني اولا بس كأنهم اهلي
المهم وكانت جالسه معنا كأنها في فرشة ثانيه جنبنا علطول أخت زوجي الصغيره (عمرها تقريبا 27وليست متزوجه )
كأنها هي الوحيدة الموجودة من أهل زوجي معنا وأهلها مسافرين يعني هي جاية بلحالها
وكأن 2 من أضراسها في أحد الجهتين الخلفيه العليا مكسوورة وتسولف تقولنا حجزت موعد في مستشفى حكومي
بيسونها لي قريب, وأنا كأن أحد أسناني موالامامي اللي جنبه منكسر شوي (في الحقيقه قبل المشكله اللي بيني وبين زوجي
انكسر هذا السن والسن اللي جنبه الامامي انكسرت كسر قوي ماادري كيف طحت عليها وتكسرت والحمدلله والشكر له سويتها طبعا في مستشفى خاص )
المهم قلت لها وشلون لقيتي موعد تركيب اسنان وفي مستشفى حكومي يعني معروف المستشفيات الحكوميه زحمه ومواعيدها بعيده
قالت وهي تضحك انا اعرف كيف اخليهم يسوون لي مواعيد اتميع واتدلع عليهم وامشي اموري
تفآآآجأت وانصععععععقت وسكت وقعدت اطالع في سني هل اسوية والا اخليه وقررت قلت خلاص أتركه على ماهو عليه
حسيت انه مو ملفت زي الكسر الاول هذا كسرخفيف مقبول ..

الرؤية الثانية :
رأيت كأني أنا وصديقتي في ساحة مدرسة كبيييييرة كأنها مدرسة إبتدائي أو متوسط من الأصوات والإزعاج
وكأن صديقتي هذي كانت مسافره خارج البلاد وتوها جايه وأعطتني هدية جايبتها لي من برا
كانت بلوزة سوداء وشنطة كبيييييييرة جدا بعد سوداء قلت في نفسي وانا ابتسم كل شي أسود لانها تعشق اللون الأسود
المهم انا انبسطت وطررررررررت من الفرحة وضميت صديقتي وشكرتها انبسطت انها اهتمت فيني وذكرتني ولانها جابت لي هالهدية الرووعه
لما جيت بأطلع من هالساحه أعطتني البلوزه خافت انساها اخذتها وانا ادور في شنطتي ابغى اتأكد هي حطت الشنطة اللي جابتها لي والا نست
وفعلا لقيتها مسفطه هالشنطه 4 سفطات ومدخلتها داخل شنطتي لما لقيتها ارتحت كثيييير وطلعت

عمري 24 سنه
متزوجه وعندي ولد
كنت موجودة عند اهلي كم شهر بسبب مشكله مادري وش سببها ع ان زوجي بيجي ياخذني فجأة ماجا ولاعاد رد ع اتصالاتي !
وقبل اسبوعين تقريبا طلقني ..

والله يوفقك ويسخر لك ويرزقك الجنان