مجموعة رؤى لبنتي

السلام عليكم ورحمة الله وبركاته

هذه الرؤى لبنتي وكلها متقاربة في الايام التي رأتها وهي من كتبتها بنفسها

الرؤيا الاولى الامس رأتها
حلمت اني نايمه جنب الشباك مره كان مسكر وسمعت احد يخاصم من الشباك كان واقف عند الشباك اللي انا نايمه فيه وكان شاب وقمت من النوم و شفته يخاصم عليه وكنت ما اسمع كلامه لان الشباك مسكر وكنت خايفه مرررره بشكل غريب لاني ما بخاف لو صار الموقف في الحقيقه وكنت في الحلم تعبانه وكنت خايفه وابغا انادي احد ناديت بس مافي صوت وجا اخي زياد وراح للشباك وانا شردت ورحت عند غرفه امي وابي ولقيتهم نايمين وكان بابا نايم في سرير وحده وماما في سرير وحدها وكانت اختي جنى نايمه في الارض بين السريرين ورحت عند اخي زياد ابشوف اش صار لقيته دخل الرجال اللي عند الشباك الي كان يخاصم وانا كنت اقول في نفسي ان هذا الرجال جني وكنت متأكده ودخل الرجال وبغى يروح الدور الثاني وماكان فيه درج وحط سلم وطلع وكنت جالسه جنب عجوزه والعجوزه شافت الرجال وكلمته ما اتذكر اش قالت بس ماكان كلام سيء والرجال دعى عليها بس مو دعوة مسلم يعني مافيها (الله) دعى ان رجلها تنكسر والعجوزه طالعت فيني وهي مبتسمه وقلت لها تراه جني وكمان دعى عليه بس ما تذكر الدعوه وزعلت ان اخي زياد دخل الجني بيتنا وكنت ابقول لماما بس اخي زيات مسكني وقال لا تقولين لاحد اني دخلته وكنت احس انا يبغى يأذينا.

البيت ما اعرفه


2
حلمت انه في حشرات مرررررررره كثيييره وكان كل الانواع بس ما قد شفت زيهم وما كنت اعرف انا في بيت ولا لا لان الحشرات كثيره وما اقدر اشوف من كثرها واتذكر انها كانت تهاجم الناس وكانو يشردون وما شفت احد تأذى بس اشوف انا تتجمع على الناس وكان في ولد ما اعرفه كان يحميني ما كنت لابسه عبايه وكان شايلني وبيرفعني فوق عشان ما تأذيني الحشرات وهو يرفعني شفت في السقف حشرات مرررره كثيره وبغيت اقله ما يرفعني علشان فيه حشرات بس مامداني ويوم رفهني الحشرات هاجمتني وفي حشره من الحشرات نفس شكل الخنفساء بس رجولها زي العنكبوت طويله واكلت ظهري ودخلت جوة ظهري كنت ابغا اخرجها بس ما قدرت.

3
حلمت انه ماما تربي قطتين سوداء وقالت لي انه في قطه منهم فيها جني وكانت واحده فوق طاوله دولاب المطبخ والقطه الثانيه تحت طاوله الطعام وبعدين راحت ماما وكنت ابغا اعرف من هي القطه اللي فيها جني قمت قريت سوره الاخلاص وسورت الفلق وسورت الناس وانا اطالع في القطه الي تحت طاوله الطعام كنت ابغا اشوف تتأثر ولا لا كنت اقرا بصوت منخفظ بعدها قريت اية الكرسي بصوت منخفظ وصارت البسه الي تحت طاولة الطعام اختي وهربت على يدينها ورجلينها زي القطط وقالت هاذي لاتقولينها تقصد ايه الكرسي.


جزاكم الله خيرا