امى قتلت ابويا وعايزه تدمر اخواتى اعمل ايه

بسم الله الرحمن الرحيم
وبه نستعين وصلى الله وسلم وبارك على سيدنا محمد فى الاولين والاخرين وبعد..
السلام عليكم ورحمة الله وبركاته ..
انا شاب من مصر عندى 18 سنه اسمى احمد السيد فؤاد عندى 3 بنات اخوات الكبيره 15 سنه والوسطى 11 سنه والصغيره 7 سنوات
واخ صغير عنده 16 سنه
البدايه
كنا عايشين فى بيت جدى انا وابويا وامى واخواتى والدى كان شغال فى المعمار ( فى المحاره) وامى كانت ربة منزل عايشين مبسوطين والحمد لله وزى كل الناس وفى يوم من الايام رحت لابويا الشغل لقيته بينزف دم من انفه سالته مالك يابابا قالى مفيش ياحبيبى تعبان شويه قعدت معاه لحد لما خلص شغل واخدته وروحنا البيت بس كان بطل ينزف المهم دخل الحمام اتشطف وخرخ قعد جمبى وفجاه لقيت الدم نازل من انفه وفمه انا محستش بنفسى عشان كنت طفل وقعدت اعيط وفجأه لقيت امى جيباله كبايه فيها صابون اسمر على انه شاى ابويا بص فى الكبايه لقى فيها صابون قام رماها على الارض ونزل الشارع ونده على عمى وقاله انزل بسرعه وهو لسه بينزف عمى خده وداه مستشفى الجامعه اللى فى الزقازيق وقعد فيها حوالى شهر فى الشهر ده مكنش بيطلب غير انه يشوف اولاده ورحناله بس امى ماراحتلوش خالص الا مره واحد طلعت اخدت الفلوس اللى معاه وقالت هتنزل تجيب علاج ونزلت مرجعتش تانى
ده على كلام ام ابويا انا مشفتش ده بس هى متكدبش عشان هى عارفه ربنا
وبعدين لما ابويا قام من الغيبوبه افتكر موضوع الصابون وقال لستى وستى قالت للشيخ اللى عندنا قالها دى ممكن تكون بتعمله اعمال
هى فعلا كانت قبل ما ابويا يتعب كانت بتعمل حاجات غريبه جدا
كانت بتجرى ورا ابويا فى الشارع وتفضل تضربه وتفتح انبوبة الغاز عى اولاد عمى وهما نازلين عشان وتمسك السكينه تحطها على رقبة بنت عمى وحاجات تانيه كتير بس كل ده برده انا سمعته ماشفتوش بس سالتها انتى عملتى كده قالت ايوه عملت
المهم لما ابويا رجع قال اطردوها من البيت وماتدخلش الشقه تانى
طردوها من الشقه وراحت قعدت عند اخزاتها اللى هما اساسا بيكرهوها ونيموها فى اوضه فاضيه هى واختى الضغيره كانت لسه مولوده عندها سنه ولما رحتلها لقيت شكلها يارف وعليه غضب ربنا ودهنه وشها بصابون اسمر وشكله يأرف فات شهر وفضلت تيجى لابويا كل يوم هى واخوها لحد لما ابويا قرر ان هو يأجرلها شقه فوق سطوح تعيش فيها لان ابويا على قد حاله وفلوسه كلها كانت رايحه على العلاج رحنا انا واخواتى عشنا معاها ومن يومها بطلت تنظف وبطلت تتشطف وابتدت تحط لاخواتى صابون اسمر وهما مش فاهمين حاجه ولا انا فاهم حاجه بعدنا عن ابونا بس انا كنت بروحله كتير واخواتى قليل لحد لما كرهت اخواتى فى ابويا واعمامى ومعدوش بيروحوله الا عشان ياخدم منه فلوس هو كان بيديها فى الشهر اعلى من مرتبه مرتين ومش عاجبها وستى كانت تقوله طلقها وهو يقولها لا عشان ولادى وفى الوقت ده جم ناس طلعم من المراتب بتاعت السراير 7 اعمال معمولين لاابويا وبرده ابويا سكت وابتدى يروح لشيوخ يعرف واى حد كان يقوله مراتك عملالك عمل ومشرباك دم دوره انا كل لما اسمع حاجه زى دى اقول ازاى امى تعمل كده بس لما ابتديت افهم واقولها انتى بتعملى كده ليه تقولى انت مالك وتتعارك معايا ومن شهر تقريبا اتوفى ابويا الله يرحمه ويدخله فسيح جناته وانا بقيت مسؤل عن 5 اشخاص منهم 3 بنات عايزين يتجوزوا وكل اما اعرض عليها حاجه ترفض ومش بتأكل اخواتى غير اكل المحلات ومش عايزه تنضف ولا تنضف ولادها وكل اما اتخانق معاها تقولى هاخد اخواتك واسافر ومش هخليك تشوفهم تانى عشان هى عارفه انهم نقطه ضعفى وبحبهم اكتر من نفسى ...
حد يقولى اعمل معاها ايه...
انا لو الانتحار مش حرام كنت انتحرت والله...
حد يقولى كرهى ليها ده صح ولا غلط.؟..
حد يقولى اعمل ايه مع الانسانه دى....
اللى هى للاسف (امى)
انا مش عايز غير انى اربى اخواتى واعلمهم واجوزهم وانا على استعداد ان انا اعمل كده بأذن الله ...
بس هى مش هتسيبهوملى....
حد يجاوبنى ...
والله العظيم انا تعبت تعبت تعبت تعبت ....